Олунньу ыйга олохтоох кулуупка оскуола оҕолоро эбии үөрэхтээһин сылын түмүктүүр кэнсиэр көрдөрдүлэр. Ол кэнсиэри оскуолаҕа үлэлии кэлбит Бүлүү педколледжын практикана Слепцова К.М уонна эбии үѳрэхтээhин педагога Маркова Д.И. туруордулар. Слепцова К.М. салайааччылаах «Айылгы» ансаамбыл кыталык кыыс, хотугу, индийскэй, сахалыы уо.д.а. үҥкүүлэри көрдөрөн дьон-сэргэ биһирэбилин ыллылар. Оттон Маркова Д.И. сахалыы, хотугу фольклор интириэһинэй нүөмэрдэри туруорбута сүрдээх кэрэхсэбиллээх. Биһиги, оҕолор, үҥкүүлүүрбүтүн-ыллыырбытын олус сөбүлүүбүт. Онон ити кэнсиэри тэрийэн туруорбут уһуйааччыларбытыгар улахан махталбытын тиэрдэбит.

Слепцова Алина уонна Енохов Сергей