МБОУ "Сартанская СОШ"
МО "Верхоянский район" Республика Саха (Якутия)
|
Меню сайта
Наш опрос
Статистика
Онлайн всего: 1 Гостей: 1 Пользователей: 0 |
Новости
"Оскуолабыт - сарсынны кэнчээрибит уйата" Сылтан сыл аайы уэрэх систематыгар уларыйыы киирэ турар, ону таhынан, сана методикалар, ирдэбиллэр, эбии предметтэр, экзаменнар эбиллэ тураллар. Ол аайы учуутал улэтэ уустугурар. Онон учуутал барахсан тереппуттэртэн ейебулу-кемену, ситимнээх буолууну эрэйэр. Ордук, биьиги курдук ыраах сытар нэьилиэккэ, оскуола5а, о5о сайдар септеех усулуобуйа тэрийэргэ нэьилиэк буттуун турунна5ына эрэ кэскиллээх сайдар суолга уктэниэ этибит. Учуутал уонна оскуола уруулуу тыл. Учуутала суох оскуола суох. Онтон оскуола сарсынны кэнчээрибит уйата буолар. Кун бугун Сартан орто оскуолатыгар 26 педагог улэлии-хамсыы сылдьаллар. Бу үѳрүүлээх күннэ сеп тубэьиннэрэн оскуолабыт ситиhиилэрин кытта уллэстиэхпитин ба5арабыт:
Хас биирдии сана уерэх дьыла уерэнээччилэргэ сана са5ахтары арыйар. 2016-2017 уерэх дьыла биьиги оскуолабытыгар кэмигэр са5аланна. Быйылгы үѳрэх дьыла 35 нэдиэлэлээх. Υѳрэхтээhин икки хайысханан үлэлиир: 1-6 кылаастар Федеральнай государственнай үѳрэх стандардын программатынан, 7-11 кылаастар БΥѳБ программанан үѳрэнэллэр. Бастакы чиэппэр түмүгүнэн оскуолабытыгар 90 оҕо уерэнэр, онтон 56 үѳрэнээччи ФГΥѳС, 34 оҕо БΥѳБ программатынан үѳрэнэллэр. Ону таhынан, оскуолаҕа эбии үѳрэхтээhин күүскэ үлэлиир. Ол курдук, эбиэттэн киэhэ үѳрэнээччилэр бэйэлэрэ интириэhиргиир хайысхаларынан эбии дьарыкка сылдьаллар. Түмуктээн эттэххэ, оскуола уонна тѳрѳппүттэр ыкса ситимнээхтик, бэйэ-бэйэбитин ѳйѳḣѳн үлэлээтэхпитинэ эрэ, үѳрэхтээх, культуралаах, инники оло5ор бэлэмнээх о5ону иитэн таhаарабыт.
XIV Международный конкурс имени А.С. Макаренко и Макаренковские чтения – 2016 г.
С 1 по 5 апреля 2016 г. в г. Якутске прошли XIV Международный конкурс имени А.С. Макаренко и Макаренковские чтения – 2016 г., где делегация МБОУ «Сартанская СОШ» приняла активное участие. В конкурсной программе директор школы Слепцова Н.В. выступила с проектом: «Детско-взрослая учебно-производственная деятельность на базе Общественной организации «Мини-Агрокомплекс». А также в рамках конкурса МБОУ «Сартанская СОШ» представила выставочную экспозицию по содержанию учебно-производственной деятельности учащихся:
О конкурсе на гранты Главы Республики Саха (Якутия) для образовательных организаций, реализующих инновационные проекты, в 2016 году В соответствии с планом работы МБОУ «Сартанская СОШ» МО «Верхоянский район» РС (Я) с 26 по 28 марта 2016 г. директор школы Слепцова Наталья Владимировна и учитель русского языка и литературы приняли участие в конкурсе на гранты Главы Республики Саха (Якутия) для образовательных организаций, реализующих инновационные проекты, состоявшегося в с. Чапаева Хангаласского улуса. МБОУ «Сартанская СОШ» защитила и распространила опыт работы по инновационному проекту: «Организация Мини-АгроКомплекса в образовательном учреждении в условиях северной агроклиматической зоны». Экспертный Совет Открытого конкурса оценил данный проект высоко и представил рекомендацию на присвоение статуса «Республиканская инновационная площадка» (приказ Министерства образования РС (Я) от 21 апреля 2016 г. № 01-16/1622. А также директор школы Слепцова Н.В. принимала участие в экспертизе инновационных проектов конкурса на Грант Главы Республики Саха (Якутия). приказ: http://sartanskaya.ucoz.net/novosti/200516/prikaz_o_respublikanskikh_innovacionnykh_ploshhadk.pdf
«Эдэр суруналыыстар сүлүөттэрэ – 2016»
Кулун тутар 3 күнүгэр Баатаҕайдааҕы оҕо киинигэр хаһыс да төгүлүн ыытыллар «Эдэр суруналыыстар сүлүөттэрэ» буолан ааста. Оскуолаттан, «Сыккыс» куруһуок оҕолоро, 7 буолан, ол тэрээһиҥҥэ астына-дуоһуйа сылдьан кэллилэр. Сүлүөт сүрүн тутулунан - оҕолору суруналыыстыка эйгэтигэр сыһыарыы, дьон иннигэр бэйэ санаатын сатаан этэ үөрэтии буолар. Быйылгы сүлүөт туһунан эттэххэ, сүлүөт урукку сыллардааҕар олох атыннык ыытылынна. Ол курдук, быйыл, оҕолорго суругунан эрэ сорудах буолбакка, «Олоҥхо ыһыаҕар» аналлаах репортаж оҥоруу үлэтэ бэрилиннэ. Онно оҕолор режиссер, корреспондент уонна оператор үлэтигэр бэйэлэрин холоннулар. Камера тутан, аһаҕас эфиргэ тута саҥаран, суруналыыс ыарахан эрээри, интириэһинэй үлэтин тиритэ-хорута билистилэр. Түмүктээн эттэххэ, «Сыккыс» хаһыат 2-с миэстэни ылан үөрүү-көтүү аргыстанна. Үөрүүлээх чааска оҕолорго барыларыгар махтал сурук туттардылар. Ону таһынан, хаһыакка үлэлиир оҕолорбутуттан – Слепцова Надежданы, Аргунова Уйгулаананы уонна Макарова Владленаны буо-лаары турар «Олоҥхо ыһыаҕар» «Дьааӊы аартыга» хаһыат кэрэспэндьиэннэригэр көмөлөһөөччүлэринэн таллылар. Оҕолору үрдүк таһымнаахтык бэлэмнээбит, «Сыккыс» куруһуок салайааччытыгар Осипова Людмила Саввичнаҕа оройуон киинин дириэктэрэ махтал сурук туттарда. Слепцова Надежда, 9 кылаас үөрэнээччитэ
«Дьааҥы сулустара» Быйыл мин «Дьааҥы сулустара» диэн оҕо талаанын көрөр күрэххэ кыттан кэллим. Бу күрэх сылын ахсын сааскы сынньалаҥ кэмигэр ыытыллар. Быйыл эмиэ оройуон бары нэһилиэктэриттэн кэлэн кыттыыны ылбыттар. Биһиги оскуолаттан кыра, орто, улахан бөлөх кыргыттара үҥкүүлээтилэр, уолаттар ыллаатылар. Улахан бөлөх үҥкүүһүттэрэ «Бастыҥ үҥкүү» анал ааты ылан үөрүү-көтүү аргыстаммыттара. Бу киэһэ олус чаҕылхайдык, тыҥааһыннаахтык уонна биир тыынынан ааспыта. Кэнсиэри Аргунова Уйгулана уонна Макарова Владлена иилээн-саҕалаан ыыппыттара. Неустроева Оля, 5 кылаас үөрэнээччитэ
«Саха сылгыта» олимпиада Муус устар ыйга биhиги оскуолабыт «Саха сылгыта» диэн республиканскай олимпиаданы ситиhиилээхтик тэрийэн ыытта. Онно бүтүн Сахабыт сирин араас муннугуттан кѳхтѳѳх кыттыыны ыллылар. Уопсайа, 300 тахса үлэ киирэн, араас хайысха5а күрэхтэстилэр. Бу тэрээhин былырыын оройуоҥҥа ыытыллыбыт эбит буолла5ына, быйыл республика таhымыгар тахсыбыта үѳрүүлээх быhыы-майгы. Бары кыттыбыт уонна миэстэлэспит о5олор Υѳрэх Министиэристибэтиттэн сертификатынан, грамотанан на5араадаланнылар. Күрэх маннык хайысхаларынан ыытылынна: «Саха сылгыта» реферат конкурса «Саха сылгыта – киэн туттуубут» айар үлэ конкурса «Сылгы – айыл5а о5ото» уруhуй конкурса «Саха сылгытын кэрэтэ» хаартыска конкурса «Саха сылгытын туhунан» викторина конкурса
АҔА КҮРЭҔЭ-2016» Сылын аайы ыытыллар оскуолатааҕы «Аҕа күрэҕэ-2016» буолан ааста. Онно уопсайа, 6 аҕа араас күрэхтэһиигэ, күөн-күрэс былдьастылар, күүстэрин-уохтарын көрдөрдүлэр. Ол курдук, Аммосов Иннокентий Иванович, Аммосов Николай Николаевич, Слепцов Петр Семенович, Слепцов Гаврил Семенович, Новиков Юрий Семенович, Киприянов Николай Егорович мас хайытыыга, ыараханы таһыы, хайыһарынан сүүрүү, хомуур хапсаҕайа, сыал ытыы, батыйаны быраҕыы курдук көрүҥнэргэ күрэхтэстилэр. Түмүккэ Слепцов Гаврил Семенович кыайыы өрөгөйүн биллэ. Түмүктээн эттэххэ, бары кыттыбыт аҕаларга махталбытын тиэрдэбит уонна өссө даҕаны инникитин көхтөөх кыттыыны ыларгытыгар ыҥырабыт. Редакция
«КЫҺЫНЫ АТААРЫЫ» Муус устар 16 күнүгэр биһиги нэһилиэкпитигэр «Кыһыны атаарыы» үөрүүлээх бырааһынньыга буолан ааста. бырааһынньык, култуура дьиэтин иннигэр, кэнсиэрдээх, дьаарбаҥкалаах уонна араас бэһиэлэй күрэхтэрдээх тэриллэн ыытылынна. Дьаарбаҥкаҕа нэһилиэнньэ үксэ кыттыыны ылла - сорохтор атыылааччынан, сорохтор атыылаһааччынан. Саас кэлбитин уруйдаан, оскуолабыт үрдүкү кылааһын кыргыттара араас үҥкүүлэри үҥкүүлээн дьону-сэргэни үөртүлэр, тоҥмуттарын аһардылар. Ону таһынан, улаханыттан кыратыттан тутулуга суох, бары күрэхтэһэн, сыаналаах бириистэргэ тигистилэр. Ол курдук, «Кыһыны атаарыы» олус үөрүүлээхтик түмүктэннэ, дьон бары астына-дуоһуйа сынньанан дьиэлэригэр тарҕастылар. Слепцова Надежда, 9 кылаас үөрэнээччитэ
«Уйулҕа ыйа» («Месяц психологии») «Уйулҕа ыйа» Үөрэх министерстоватын бирикээһинэн оскуолаларга сылга иккитэ ыытыллар о.э. күһүн алтынньы 15 - сэтинньи 15 күнүгэр уонна саас кулун тутар 1 - муус устар 1 кунугэр диэри ыытыллар. Күһун, саас дьыл уларыйар кэмэ, ол иһин, ордук бу кэмҥэ киһи тастан киирэр “стресстэргэ” уйул5ата ылынымтыа буолар. Бу үлэ сүрүн сыала - улаатан эрэр оҕо уйулҕатын, ис туругун үөрэтии (диагностика), сэрэтии уонна бөҕөргөтүү. Оҕолорго эрэ буолбакка, кинилэри тулалыыр улахан дьоҥҥо, төрөппүттэргэ, учууталларга эмиэ үлэ ыытыллар. Быйылгы “Уйулҕа ыйа” нэдиэлэнэн арааран ыытылынна: “Дьол нэдиэлэтэ”, “Көтутуутэ суох үөрэнэр кылаас”, “Доруобуйа уонна харыстабыл нэдиэлэтэ”. Маҥнайгы нэдиэлэ түмүгэ эттэххэ: “Дьоллоох оло5у уруһуйдуубут” хаһыат күрэҕэр алын кылаастарга 1 миэстэ - 1 кыл, орто сүһүөхтэргэ – 5 кыл, улахан суһүөхтэргэ – 10 кыл. Актыыбынай кыттыыны ылбыттарын иһин махтал сурук 7, 8, 9 кылаас коллективыгар туттарылынна. Иккис нэдиэлэ “Көтүтүүтэ суох үөрэммит кылаас” орто уонна үрдүкү кылаас оҕолоругар ыытылынна. Ол курдук, орто сүһүөхтэргэ 5 кылаас, үрдүкү сүһүөхтэргэ 9 кылаас кыайыылааҕынан таҕыста. Бүтэһик нэдиэлэ «Доруобуйа, харыстабыл нэдиэлэтин» чэрчитинэн 5 станциянан оонньуу ыытылынна. Онно оҕолор хамаандаларын билиһиннэрдилэр, бырайыак көмүскээтилэр. Уопсайа, 3 кылаас кыттыбытыттан, 1 миэстэ – “Планета здоровья” (9кл), 2 миэстэ – “Дьулуур” (8кл), 3 миэстэ – “Биатлон” (7кл.). Ону тэҥэ, төрөппүттэр көхтөөх кыттыыны ылан биир улахан сонун үөрүү буолла. Төрөппүттэр “Дублёр күнүгэр” учуутал оруолугар холонон көрдүлэр. Түгэнинэн туһанан, хаһыат нөҥүө төрөппүттэргэ, о5олорго, оскуола аатыттан махталбытын тиэрдэбит!
Олонхо ыьыа5ын иккис эргиирэ Ытык Дьааны сиригэр» Бары билэрбит курдук, бу сайын биһиги Дьааныбыт сиригэр «Олонхо ыьыа5а» буолар. Ол чэрчитинэн биһиги оройуоммутугар, нэһилиэкпитигэр араас таһымнаах тэрээһин бөҕө ыытылла турар. Сартан орто оскуолата онтон эмиэ туора турбакка, муус устар 25-29 күннэригэр «Олоххо дьулууру уруйдаан, Олонхо төрөөбүтэ аан бастаан..» диэн олонхо нэдиэлэтин тэрийэн ыытта. Ол курдук, «2006 – 2016 сыл – олоҥхо сыла» диэн темаҕа кылаас чааһа буолла. «Олоҥхо олимпиадатыгар», алын сүһүөххэ Мандров Виктор, Белолюбский Саша, Аммосова Майя, Слепцов Алеша, Аммосова Сардаана, Сушеница Андриан кыайыылаах үрдүк аатын ыллылар. Орто сүһүөххэ, Аммосова Нарьяна, Новикова Айыллаана, Мархеев Сеня миэстэлэстилэр. Үрдүкү сүһүөх оҕолоругар Новикова Даша, Слепцова Надя, Неустроева Айаана кыайан үөрүү-көтүү аргыстаннылар. «Олоҥхо номоҕун олоххо көрөбүт» уруһуй күрэҕин түмүгүнэн, 1 миэстэ - Яковлева Ксения, Слепцова Фатима, 2 миэстэ – Аммосова Сардана, 3 миэстэ - Старостина Таня, Старостина Маша (алын кылаастар); 1 миэстэ - Новикова Айыллаана, 2 миэстэ - Аммосова Линда (орто сүһүөх); 1 миэстэ - Слепцов Вадим, 2 миэстэ - Неустроева Айаана, Слепцов Саша (үрдүкү сүһүөх). «Сахам олонхотун уруйдуубун» өйтөн суруйуу курэҕэр Старостина Ньургуяна уонна Слепцова Надя кыайдылар. Түмүктүүр күҥҥэ орто сүһүөх үөрэнээччилэригэр «Олонхо – саха героическай эпоһа» диэн хамаанданан күрэхтэһии буолла, онно 1 миэстэ - 5 кылаас, 2 миэстэ - 7 кылаас, 3 миэстэ - 6 кылаас үөрэнээччилэрэ. Улахан кылаас оҕолоругар «Аман өс» тыл этиитин күрэҕэ буолла. 1 миэстэни Старостина Вика, 2 миэстэни Аргунова Уйгулана, 3 миэстэни Слепцова Айта ыллылар. Бу курдук, 5 күннээх олоҥхо нэдиэлэтэ биьиги оскуолабытыгар буолан ааспытыттан киһи үөрэр, оскуола оҕолоро бары 100% кыттыыны ылбыттара хайҕаллаах. Рожин И.И., эбии үөрэхтээһин педагога
«Махтал эйиэхэ, учуутал!» Биһиги нэһилиэкпит олохтоохторо алтынньыга учуутал күнүн үөрэ-көтө бэлиэтээтилэр. Субуота киэһэ үөрэнээччилэр, учууталлар, төрөппүттэр кулуупка мустаннар «Махтал эйиэхэ, учуутал!» диэн эҕэрдэ кэнсиэр көрдүлэр. Онно оскуола о5олоро ыллаан-үҥкүүлээн, сыаҥка5а оонньоон, КВН көрдөрөн дьоро киэһэни киэргэттилэр. Саҥа кэлбит учууталлар бэйэлэрин билиһиннэрэн, мэктиэ тылларын эппиттэриттэн биһиги үөрдүбүт. Быйыл биһиги оскуолабытыгар 5 саҥа учуутал кэллэ: Лебедева Д.Г. – алын кылаас учуутала; Черкашина Е.С. – омук тылын учуутала; Осипова Л.С. – саха тылын, литературатын учуутала; Слепцова И.А. уонна Ефимов А.Т. – технология учууталлара. Түгэнинэн туһанан, бары учууталларбытын ааспыт учуутал күнүнэн эҕэрдэлиэхпитин баҕарабыт. Үлэҕитигэр ситиһиилэри, истигэн үөрэнээччилэри, кытаанах доруобуйаны уонна дьолу-соргуну баҕарабыт.
Алтынньы 22 күнүгэр биһиги оскуолабытыгар сүүрүүлээх-көтүүлээх, толкуйдатар да түгэннэрдээх ийэлэргэ аналлаах күрэхтэһии буолан ааста. Онно, уопсайа, 9 ийэ кыттыыны ылла: Слепцова Александра, Потапова Ульяна, Горохова Алена, Слепцова Валентина, Аммосова Валентина, Стручкова Варвара, Киприянова Анна, Слепцова Наталья, Енохова Саргылаана. Ийэлэр бары олус көхтөөхтүк кыттыыны ылбыттара олус үчүгэй. Күрэх уопсайа 9 түһүмэхтээх ааста. Бу конкурс олус үчүгэйдик - тэрээһиннээхтик барда. Дьэ тоҕус түһүмэх түмүгүнэн саамай элбэх баалы ылан Аммосова Валентина кыайда. Кини кэнниттэн 2 миэстэни Киприянова Анна ылла. 3 бочуоттаах миэстэ5э Стручкова Варвара тигистэ.
Бэс ыйыгар Дьааҥы сиригэр ыытыллыахтаах Өрөспүүбүлүкэтээҕи Олоҥхо ыһыаҕар аналлаах оройуоннааҕы күрэхтэһиилэргэ Сартаҥ орто оскуолатын үөрэнээччилэрин ситиһиилэрэ. Сэтинньи ыйга Верхоянскай оройуонун Баатаҕай бөһүөлэгэр ыытыллыбыт «Өбүгэ баайа-норуот тыына» оройуоннааҕы фольклор көрүүтүн түһүлгэтигэр тойуксуттар күрэхтэригэр “Күрүлгэн” бөлөх 1 миэстэ; Үрү – дьүрү, дьүрү-дьүрү, үчүгэйиэн дьүрүһүйэн, үрү – дьүрү, дьүрү-дьүрү, ыллаа, миэхэ, хомуһум” улуустаа5ы хомусчуттар күрэхтэригэр «Дьүрүскэн» фольклор ансаамбла 3 миэстэ; Мурун, хабар5а, таҥалай ырыатын толорууга Слепцова Виктория 3 кылаас үөрэнээччитэ 2 миэстэҕэ тиксэн кыайыы көтөллөөх кэллилэр.
Районный конкурс «Мы дети земли - Олоҥхо» В номинации «Лучшая кукла по персонажам Олоҥхо» Аммосова Сардана ученица 4 класса – заняла 2 место В номинации «Лучшая литературная работа» Слепцова Надежда ученица 9 класса заняла 3 место Районная викторина, посвященная героическому эпосу – Олонхо. Новикова Дария ученица 9 класса заняла 1 место. Республиканская научно-практическая конференция “Дьааҥыга олоҥхо ыһыаҕа” Слепцова Надежда ученица 9 класса приняла активное участие Районный конкурс ораторов “Аман өс” Слепцова Надежда ученица 9 класса гран-при Макарова Владлена ученица 7 класса – 1 место Белолюбский Сергей участие
Учащиеся кружка «Следопыт» собрали материалы для издания книги «Оонньооботох о5о саас», а также приняли участие на районной поисково-краеведческой экспедиции «Дети суровой войны моего края» и на республиканском заочном конкурсе поисково-исследовательских работ «Дети Якутии-герои тыла», посвященного 70-летию Победы ВОВ 1941-1945 годов» 1.Аммосова Нарыйаана 4 класс 2.Слепцов Ай-сиэн 6 класс 3.Гаврильев Егор 7 класс 4.Горохова Валентина 7 класс 5.Слепцова Надежда – 8 класс 6.Пономарева Кристина 8 класс 7.Ушницкая Саргылана 8 класс 8.Рожина Сайыына 9 класс 9.Слепцова Виктория 11 класс 10.Михайлов Иннокентий 11 класс 11.Слепцов Николай-11 класс
В региональной НПК «Шаг в будущее» по группе улусов «Яна» приняли участие 19 учеников нашей школы. Отрадно что 10 учащихся заняли призовые места. Дипломом I степени награждены Макарова Владлена (7 класс), Горохова Валентина (8 класс); дипломом II степени награждены Слепцов Илларион ученик 5 класса, Пономарева Кристина, Слепцова Айталина ученицы 9 класса; дипломом III степени награждены Новикова Айыллаана, Новиков Семен учащиеся 5 класса; Алексеева Алиса, Белолюбский Иван ученики 6 класса; Яковлева Анна ученица 11 класса. После региональной НПК в январе месяце приняли участие в Республиканской НПК «Шаг в будущее» Макарова Владлена в секции «Информационные ресурсы» (ученица 7 класса), Клепандина Раида в секции «Якутская филология» (ученица 8 класса) и Пономарева Кристина в секции «Экономические науки» (ученица 9 класса). Клепандина Раида заняла 1 место, Пономарева Кристина 3 место. С решением Экспертного совета ХХ Республиканской НПК «Шаг в будущее» получили рекомендации научных секций.
Биһиги оскуолабыт коллектива оройуон киинигэр Баатаҕай бөһүөлэгэр сылын аайы ыытыллар тыа хаһаайыстыбатын бородууксуйатын көрдөрөр «Идэһэ-2015» диэн атыы-эргиэн быыстапка-дьаарбаҥкатыгар баран ситиһиилээхтик кыттан кэллибит. Биһигиттэн ураты Арыылаах уонна Боруулаах нэһилиэктэрин агротехнологическай хайысхалаах оскуолалара кыттыыны ыллылар. Бары нэһилиэктэр, оскуолалар олус үчүгэй бэлэмнээх кэлбиттэрэ кэрэхсэбиллээх. Биһиги оскуола 37 араас суол аһы астаан илдьибиппит. Үлэһиттэрбит түбүктэрэ-сыралара таах хаалбата. Ол курдук, тэрээһин түмүгэр иккис сылбытын «Халыҥ хаһа» анал аат хаһаайыттара буоллубут. Ону тэҥэ, «Олоҥхо дойдута» диэн сахалыы остуол бэлэмнээһинигэр кыайыылаах аатын ылбыппыт. Онон, уопсай түмүккэ нэһилиэктэр икки ардыларыгар 2 миэстэни ылан, үөрүү-көтүү аргыстанан кэллибит. Түгэнинэн туһанан, оскуола администрацията күннэри-түүннэри ас бэлэмнээһинигэр көмөлөспүт бары үлэһиттэргэ улахан махталын биллэрэр. Суоппарбытыгар Константин Стручковка, Анатолий Гаврильевка, 8-с кылаас үөрэнээччитигэр Егор Гаврильевка, Баатаҕай бөһүөлэгин олохтооҕор Александр Слепцовка таһаҕас тасыһыытыгар күүс-көмө буолбуттарыгар туспа махталбытын тиэрдэбит. Пономарёва А.С., дириэктэри иитэр үлэҕэ солбуйааччы
Сэтинньи ый 2-9 күннэригэр биhиги нэhилиэкпитигэр Баатаҕайдааҕы култуура дьиэтин үлэhитэ Слепцова Саргылаана Семеновна кэлэн барда. Кини кэлбит сыалын туhунан кэпсиир эбит буоллахха, о5олору сахалыы фольклору кытта билиhиннэрии уонна сөптөөхтүк толорорго үөрэтии буолар. Дьарыкка оскуолабытыттан уопсайа 20 о5о сырытта (5-8 кылаастар). Саргылаана Семеновна о5олору «Тураҕас чыычаах туйаарбыта» диэн Нина Игнатьевна Сартаҥ кырдьаҕастарын фольклор араас көрүӊэр толорууларыттан хомуйан оӊорбут кинигэтинэн үөрэттэ. Оҕолор 7 хонук үөрэммит түмүктэринэн кэнсиэр оӊордулар. Бу кэнсиэр оҕолор уонна кинилэри салайан үөрэппит Саргылана Семеновна кыттыылаах ааста. Кэнсиэрдэрин сарсыӊӊы күнүгэр улуус киинигэр Баатаҕай бөhүөлэгэр «Өбүгэ баайа-норуот тыына» диэн фольклор курэҕэр кытта айаннаатылар. Бу күрэххэ, уопсайа, 7 нэhилиэк оҕолоро уонна улахан дьоно кыттыыны ыла кэлбиттэр. Дьүүллүүр сүбэ чилиэннэринэн үлэлээтилэр: Галина Егоровна Чирикова, Раиса Дмитриевна Чирикова, Галина Алексеевна Потапова, Галина Алексеевна Максимова, Надежда Васильевна Саввинова, Петр Егорович Слепцов үлэлээбиттэрэ, бэрэссэдээтэл Любовь Никитина-аҕыйах ахсааннаах норуоттар театрдарын директора, «Гулун» үӊкүү ансаамбыл салайааччыта. Күрэх түмүгүнэн биhиги оҕолорбут тойукка маӊнайгы миэстэни, хомуска үhүс миэстэни уонна 3 кылаас үөрэнээччитэ Вика Слепцова хабарҕа ырыатыгар бочуоттаах иккис миэстэни ыллылар. Оҕолорбутугар өссө төгүл итии-истиӊ эҕэрдэ тиэрдэбит!
Биһиэхэ сэтинньи 30 кунугэр «Хэллоуин-2015» тэрээһин буолан ааста. Оскуола оҕото барыта бэлэмнээх кэлэн, көхтөөх кыттыыны ыллылар. Үөрэнээччилэр мааскалаах кэлбиттэрэ олус интириэһинэй этэ. Ким эрэ абааһы, ким эрэ ведьма буолбута. Ол курдук, орто сүһүөх кылаас үөрэнээччилэригэр Аргунова Уйгулаана 1 миэстэҕэ, Новикова Айыллаана 2 миэстэҕэ уонна Слепцова Роза 3 миэстэҕэ тиксэн үөрбүттэрэ-көппүттэрэ. Үрдүкү кылаас оҕолоругар 1 миэстэ Яковлева Анна, 2 миэстэ Слепцова Иванна уонна 3 миэстэ Слепцова Василина буолбуттара.
Сэтинньигэ оройуоннааҕы оҕо киинигэр «Шоу ЕДД» оҕо тэрилтэтин икки ардыларынааҕы фестиваль уонна «Саха КВН» диэн күрэх буолан ааста. Биир күннээх тэрээһин үрдүк таһымнаахтык ыытылынна. Тэрээһиҥҥэ, уопсайа, 13 оскуола хамаандата кыттыыны ылла. Ол иһигэр, Сартаҥ, Сайдыы, Остуолба, Адыаччы, Боруулаах, Боронук, Табалаах, Суордаах, Баатаҕай уонна оройуоннааҕы оҕо киинин хамаандалара бааллара. Хас биирдии хамаанда олус бэлэмнээх, тэрээһиннээх кэлбититтэн киһи үөрэр. Ол курдук, биһигиттэн «Сартаҥ сарыала» оҕо тэрилтэтин чилиэттэрэ – Слепцова Надя, Пономарёва Кристина, Слепцова Саргыяна, Неустроева Айаана, Старостина Вика, Макарова Владлена, Аргунова Уйгулаана, Горохова Валя, Гаврильев Гоша, Слепцов Христофор уонна Слепцова Василина оскуолабыт чиэһин көмүскээтилэр. Тэрээһин түмүгэр, хамаандабыт 2 миэстэни ылан үөрүү өрөгөйүн биллэ. Ону тэҥэ, «Мичээр» КВН хамаандата ситиһиилээхтик кыттан бэйэтин кыаҕын көрдөрдө.
Сартаҥҥа үөрүүлээх түгэн Биһиги нэһилиэкпитигэр Ил Түмэн бэрэссэдээтэлэ Александр Николаевич Жирков кэлэн барда. Олохтоох кулуупка нэһилиэнньэни кытта көрүстэ, дьон боппуруоһугар эппиэттээтэ, кыһалҕаларын иһиттэ. Тэрилтэ салайааччыларын, нэhилиэк олохтоохторун этиилэрин истэн баран, 2017 сылга саӊа оскуола тутуутун, онтон салгыы детсад тутуутун саҕалыырга сөбүлэстэ. Ону таһынан, Надежда Дмитриевна Гаврильеваны, Евгения Семеновна Аммосованы, Михаил Николаевич Слепцовы Ил Түмэн махтал суругунан, мэтээлинэн, көмүс чаһынан наҕараадалаата. Мунньах кэнниттэн оҕо саадыгар, оскуолаҕа кэлэн учууталлары, оҕолору кытта кэпсэтэн, санаатын атастаста. Ол кэннэ станциянан, хочуолунайынан сылдьан баран, Барылас нэһилиэгэр айаннаата.
|
Поиск
Друзья сайта
|
