Эр киһи оруола уол оҕону иитиигэ олус улахан суолталаах буолар. Улаатан эрэр уол оҕо эр киһини кытары элбэхтик алтыһыахтаах, үлэҕэ-хамнаска эриллэн-буруллан иитиллэн тахсыахтаах. Оччоҕуна эрэ, олох бары араас түгэннэригэр бэлэм, ыраас суобастаах, күүстээх санаалаах, бигэ тирэхтээх, киһилии киһи иитиллэн тахсар.
Оннук санаанан, быйылгы үөрэх дьылыгар алтынньы 17 күнүгэр оскуолабыт коллективын эр дьоно Владимир Владимирович Слепцов салалтатынан "Эрэл" түмсүү тэрийдилэр. Түмсүү сүрүн сыала – дьиҥнээх саха эр киһитин иитэн таһаарыы.
"Эрэл" түмсүү оҕолорго холобур буолан, бэйэтин үлэтин номнуо саҕалаата. Ол курдук, түмсүү алтынньыга 6 бэтэрээни мууһунан хааччыйбыта. Онно оҕолору кытта бииргэ оскуола эр дьоно хас да күннээх субуотунньукка баран, күүстээх үлэни ыыппыттара кэрэхсэбиллээх этэ.
Сэтинньигэ "Эрэл" түмсүү көҕүлээһининэн, оскуола иһинээҕи хапсаҕай аһаҕас күрэҕин тэрийбитэ. Онно, уопсайа, 32 оҕо кыттан, 2 оҕо чемпион үрдүк аатын сүгэн дьон биһирэбилин ылбыттара, ... Читать дальше »

Статус школы не измеряется ремонтом, учебниками, мебелью, оборудованием, главным богатством школы, ее опорой, ее будущим являются ученики, выпускники, шагнувшие со школьных скамей во взрослую жизнь. Сартанская СОШ вот уже более полувека выпускает из своих стен образованных, воспитанных молодых людей. Они получают специальности, занимаются самой различной деятельностью, но никогда не забывают родную школу.
2017 год стал знаменательным годом 70-летия нашей школы. В честь юбилея был организован «Фонд выпускников», средства из которого пойдут на улучшение материально-технической, учебно-методической базы школы. И наши дорогие выпускники приняли самое активное участие в создании Фонда. Администрация школы выражает глубокую благодарность всем выпускникам, желает счастья, здоровья и успехов!

Ахсынньыга Баатаҕай бөһүөлэгэр "Инникигэ хардыы" регионнааҕы научнай конференция буолан ааста. Сартаҥтан 13 оҕо баран кыттан оскуолаларын чиэһин көмүскээн кэллилэр. Ол курдук, стендовай көмүскээһин уонна финал кэннэ, биһиги оскуолабыт бочуоттаах 1 миэстэни ылан үөрүү-көтүү аргыстанан кэллибит. Бастаабыт оҕолор Дьокуускай куоракка оройуон чиэһин көмүскүү бараары бэлэмнэнэ, долгуйа сылдьаллар. Оҕолору, чинчийэр үлэнэн дьарыктанын, бэйэҕитин сайыннарын диэн ыҥырабыт.

Долгун курдук куугунаан,
Сүүрүк курдук чырылаан
Эдэр оҕо, пионер,
Этэн-тыынан турдубут...!
Балык кэнсиэрбэ ыһыктанан, хаһыат бэргэһэлэнэн, кеда кэтэн костердуу барыаххайын!
Быйыл 2017 сыллаахха Сартан орто оскуолата 70 сыллаах үбүлүөйүн үрдүк таһымнаахтык бэлиэтээтибит. 2 күннээх араас хабааннаах тэрээһин ыытылынна. Ол курдук, биир чаҕылхай түгэнинэн – оскуола оҕолорун, урукку бүтэрээччилэрин, учууталларын икки ардыларынааҕы "Пионердар сбордара" тэрээһин буолан ааспыта. Манна сылларынан үс хамаандаҕа арахсан пионер оруолун толорон үөрдүлэр-көттүлэр. Ол кэмҥэ "Ретро-быыстапка" тэриллибитэ, дьон биһирэбилин ылбыта. Оскуолабыт үбүлүөйүгэр сөп түбэһиннэрэн, урукку-хойукку кэмнэри саныыр маннык хабааннаах тэрээһин ыытыллыбыта олус кэрэхсэбиллээх дии саныыбын. "Пионердар сбордарын" иилээн-саҕалаан Күннэй Маевна Слепцова уонна Анастасия Николаевна Аммосова ыыттылар.
Ол кэннэ бары үөрэ-көтө оскуолабыт автобуһунан урут оонньообут, сүүрбүт-көппүт сирдэри ... Читать дальше »

Бииргэ үөрэммит мэник-тэник оҕолор, буукубалары холбоон маҥнайгы тылы ааҕыы, маннайгы учуутал истиҥ сыһыана, ааҕа-суруйа үөрэнии, доҕоттор, маҥнайгы ыраас таптал - бу барыта оскуола диэн тылы кытта ситимнээх. Оскуола-кэрэҕэ, сырдыкка угуйар, билиини биэрэр дьиэ буолар. Хас биирдиибит оскуола диэн тылы иһиттэҕинэ уруккутун-хойуккутун санаан ылар. Ол саҕанааҕы кэмнэр ааспат амтаннара сурэххэ сылаас сүүрээни аҕалаллар. Онон оскуола сырдык дьиэтэ биһиэхэ элбэҕи биэрэр.
Төһө да оскуоланы бүтэрэн, олох киэҥ аартыгар аттаммыппыт да иһин улааппыт оскуолабытын, доҕотторбутун, орой-мэник бииргэ үөрэммит оҕолорбутун умнуо суохтаахпыт. Ол эрэн кылааһынан көрсүһүүлэр, уруккуну-хойуккуну ахтыылар сорох ардыгар сатаммат буолан хаалаллар. Ол иһин 10 сылга биирдэ оскуола, урукку выпустарыгар, оҕолоругар анаан үбүлүөйдээх сылын оҥороро хайҕабыллаах. Онно көрсүспэтэхтэрэ ырааппыт дьон ахтылҕаннарын таһааран, кэпсэтэн-ипсэтэн дуоһуйа сынньанан бараллар.
Быйыл оннук тэрээһин ахсынньы 8-9 күнн ... Читать дальше »

Чөл олох… Бу тыл ырааhы, сырдыгы эрэ кэрэhэлиир. Чөл олох сиэрин тутустахпытына тулабыт кэрэтийиэ, куhа5ан, мөкү киэр илгиллиэ.
Сарсыҥҥы күҥҥэ эрэллээхтик үктэнии, саҥа оло5у уhансыы, бэйэн уонна чугас дьонун туhугар ситиhиилээх, дьоhун оло5у олоруу биhигиттэн, хас биирдиибититтэн сиэр-майгы, өй – күүс өттүнэн доруобай буола сайдыыны, эдэр киhи олоххо бастыҥ хаачыстыбатын, олоххо дьоhун суолтатын сүтэрбэтин ирдиир.
Чөл, бигэ туруктаах олох иhин биhиги инники кэскиллэрбит, оскуола о5олоро ылсан, кэскиллээх дьыала5а бэйэлэрин кылааттарын уурдулар. Ол курдук, оскуолабытыгар алтынньы ыйга дьоһун тэрээһин ыытылынна. Физкультура учуутала Слепцов Гаврил Семенович «Биhиги - чөл олох иhин!» нэдиэлэни 5-тэн 11-с кылаас үөрэнээччилэригэр үрдүк тэрээhиннээхтик тэрийэн ыытта. О5олор кылааhынан, звенонан арахсан шашка5а, шахмакка, настольнай теннискэ, хамаанданан пионерболга, волейболга күрэхтэстилэр. Күрэхтэhиилэргэ үөрэнээччилэр көхтөөхтүк кытыннылар. Кыайыылаахтар грамоталарынан бэл ... Читать дальше »

Учуутал...Бу иһирэх тылга төһөлөөх итии-истиӊ санаа, муӊура суох таптал, ытыктабыл, биһирэбил сөӊөн сытара буолуой? Ити барыта элбэх, сыралаах үлэттэн тахсар. Ол да иһин о5о5о ийэ, а5а кэнниттэн киһи-хара буоларыгар, олоххо бэйэтин суолун тэлинэригэр суӊкэӊ өӊөлөөх, үтүө киһинэн - учуутал буолар.
Ол курдук, биһиги оскуолабыт алтынньы ыйын 7-8 куннэригэр учуутал күнүн бэлиэтээтэ. Алтынньы ый 7-тигэр учуутал күнүгэр анаммыт кэнсиэр ыытылынна. Оскуолабыт о5олоро учууталларын э5эрдэлээн ырыа ыллаатылар, үӊкүү тэптилэр, хоһоон эттилэр. Иккис күӊӊэ улахан кылааас о5олоро учууталларыгар сынньалаӊ бэлэхтээн, кинилэр оннуларыгар 1-9 кылаас үөрэнээччилэрин үөрэттилэр. Учуутал сыралаах үлэтин бэйэлэригэр тургутан көрөн, о5олор сүрдээ5ин астыннылар. Киэһээӊӊи өттүгэр учууталлар бары мустан чэй истилэр, ирэ-хоро кэпсэттилэр. Ол курдук, учуутал күнүн бырааһынньыга оскуолабыт о5олоругар да, учууталларга да элбэх умнуллубат түгэннэри хаалларда.

Ханнык баҕарар общество төрдө демократическай быыбар буолар. Ол курдук, биhиги оскуолабыт иhинэн үөрэнээччилэр бэйэни салайынар тэриллиилэрин салайааччытын, ол эбэтэр, оскуола президенин быыбара буолан ааспыта. Быыбар иннинэ оскуолабытыгар тэрийэр хамыыhыйа талыллыбыта. Хас биирдии кандидат бэйэтин инники эбээhинэhин, эппиэтинэстээх үлэтин өйдөөн туран бэйэтин агитационнай матырыйаалын билиhиннэрбитэ. Кандидаттарынан 3 үөрэнээччи туруоруммуттара:
1. Слепцова Айталина-11 кылаас
2. Аргунова Уйгулаана-10 кылаас
3. Старостин Афанасий-10 кылаас
Маннык быыбар биhиги оскуолабытыгар үгэс курдук сыл ахсын ыытыллар. Оскуола үөрэнээччилэрин түмсүүтүн президенин талыытыгар бэhистэн уон биирис кылаас оҕолоро уонна учууталлар кытталлар. Үөрэнээччилэр түмсүүлэрин президенин эбээhинэhин сүгэр улахан эппиэтинэстээх. Ол курдук, болдьохтоох быыбардааччылар бириэмэҕэ бүлүтүөҥҥэ үлэниэҕэ дии санаабыт кандидаттарыгар куоластарын биэрэн дьааhыкка угаллар. Быыбары тэрийэр хамыыhыйа ... Читать дальше »

Сылтан сыл аайы үѳрэх систиэмэтигэр уларыйыы киирэ турар, ону таhынан, саҥа методикалар, ирдэбиллэр, эбии предметтэр, экзаменнар эбиллэ тураллар. Ол да буоллар, оҕону үлэҕэ сыһыарыы — урут даҕаны, билигин даҕаны иитии бастыҥ кѳрүҥэ буолар. Сартаҥ орто оскуолата ити санаанан салайтаран агротехнологическай хайысханан хаhыс да сылын үлэлиир. Оскуола сүрүн сыала — оҕону сир дьиҥнээх хаhаайына буоларыгар иитии-үѳрэтии.
Күн бүгүн оскуолаҕа 90 үѳрэнээччи, 24 педагог үлэлии-хамсыы сылдьаллар. Оҕолор сыл аайы 100 % үѳрэххэ киирэллэр. Оскуола бэйэтэ оҕуруоттаах, үѳр сылгылаах. Быйыл 22 сылгы кыстаан турар. Хас сайын аайы оҕолор үлэ лааҕырыгар үлэлээн, бириэмэлэрин туhалаахтык атаараллар. Бу үлэ түмүгүнэн, «Сельская школа» диэн инновационнай бырайыактар күрэхтэригэр грант ылары ситиспитэ. «Идэhэ» диэн оройуоннааҕы тыа хаhаайыстыбатын дьаарбаҥка-быыстапкатыгар сылын аайы кыттан бочуоттаах миэстэҕэ тиксэр. Ааспыт сылга оскуолабыт ѳрѳспүүбүлүкэтээҕи «Олоҥхо ыhыаҕар», "Ленскэй форумҥа" ситиhии ... Читать дальше »

Алтынньы 11 күнэ — аан дойду үрдүнэн кыргыттар күннэринэн биллэр. Биhиги оскуолабыт, ол үтүѳ бырааhынньыктан туора турбакка, култуура дьиэтин кытта кыттыhан кыргыттарга анаан бэлиэтээтэ. Ол курдук оскуолабыт кыргыттара бары ол күн киэргэнэн кэлбиттэрэ кѳрүѳххэ үчүгэйэ сүрдээх этэ. Оҕолор хамаандаҕа арахсан, аат толкуйданан оонньууларын саҕалаабыттара. Хас биирдии хамаанда бэйэтин сѳбүлүүр ырыатын бэлэхтээбитэ кэрэхсэбиллээх этэ. Ол быыhыгар остуолга олорон эрэ, бириистээх, кѳрдѳѳх оонньуулары оонньоон бириэмэбитин олус бэhиэлэйдик атаарбыппыт. Тэрээhиммит уоттаах-күѳстээх үҥкүү-битии киэhэтинэн түмүктэммитэ.