Бу саас ыытыллыбыт “Уйулҕа ыйын” сүрүн сыала: араас интернет ситимин нөҥүө кэлэр, дьайар информацияттан оҕо уйулҕатын харыстааһын. Уйулҕа ыйын чэрчитинэн араас хабааннаах тэрээһиннэр ыытыллыбыттара. Оскуолабытыгар “Территория безопасного интернета” диэн стенд ыйаммыта. Бу стендэҕэ интернет туһата уонна мөкү өрүттэрин туһунан суруллубута. Ону тэҥэ, “Гаджета суох күн” акция ыытылынна, бу күн оҕолор, учууталлар төлөпүөнү, атын да үөрэххэ туттуллар гаджеттары тутталлара бобуллар. Ол курдук, ордук оҕолор да, учууталлар да төлөпүөҥҥэ олус үөрэммит эбиппит диэн бэлиэтииллэр. Оҕолор бэрт “Тугу кэпсэтэбит?” диэн күлсэллэр. Маннык күн оскуолаҕа эрэ буолбакка, дьиэ кэргэн иһигэр төрөппүттэр эмиэ ыытыахтарын сөп, оҕону, биллэн турар, оннук саҕалааһыҥҥа көҕүлүөххэ эрэ наада. Гаджеты биир эмэ күн туттубатахха киһи мэйиитэ быдан сынньанар, күннээҕи олоҕор быдан элбэҕи ситиһэр, оҥорор, толкуйдуур дьоҕура сытыырхайар диэн учуонайдар дакаастаан тураллар. Күннээҕи олоххо “дьиҥ» ирэ-хоро кэпсэтиини гаджет хаһан да солбуйбатын бары өйдүөхтээх эбиппит.

Салгыы алын кылаас оҕолоро төрөппүттэрин кытта «Сааскы дьээбэрэҥ» диэн темаҕа уруһуй күрэҕэр көхтөөхтүк кытыннылар, ол курдук: 1 кыл. – Осиповтар дьиэ киэргэннэрэ кыайыыны хоттулар, 2 кыл – Татариновтар, 3 кыл.- Аммосовтар, 4 кыл.- Слепцовтар буоллулар (Сл.Фатима дьиэ кэргэнэ). Кыттыыны ылбыт дьиэ кэргэҥҥэ сертификаттар туттарылыннылар. Ону таһынан, «Гонки на снегу» алын кылаас оҕолоругар спортивнай күрэх ыытылынна. Бу күрэҕи физкультура учуутала Слепцов А.И. тэрийэн ыытта. Күрэхтэһии 4 түһүмэхтээх: хаарынан сырсыы, салааскалаах сүүрүү, хаарынан сыалы таба ытыы, канат тардыһыыта. Кыайыыны “Эрчим” хамаанда сурунна. Оҕолор салгыҥҥа сүүрэн-көтөн дуоһуйа сынньаннылар, үөрдүлэр. Орто сүһүөх оҕолоругар “Интернет киһиэхэ буортута” диэн темаҕа эмиэ уруһуй күрэҕэ ыытылынна. Слепцов Денис уонна 8 кылаас коллективнай үлэтэ биһирэбили ылла. Учууталлар эмиэ бу ый чэрчитинэн доруобуйаларын тупсаран, сааскы сибиэһэй салгыннаах куннэри баттаһан хайыһардаатылар.

Телефон доверия: 8-800-2000-122, 8-800-100-35-50 (бу номердарга оҕо, төрөппүт уо.д.а мунаахсыйар боппуруостарыгар эрийэн сүбэ-ама ылыахтарын сөп) – үлэлиир режимэ тохтобула суох, талбыт төлөпүөнтэн босхо.

Потапова В.В., педагог-психолог