"Кыайыы күнэ" – дойду үрдүнэн саамай сүрүн, күүтүүлээх, долгутуулаах бырааһынньык. Быйыл Улуу Кыайыы 72 сылын көрсө Сартаӊмыт нэһилиэгэр араас тэрээһин ыытылынна.  

       Ол курдук, бэтэрээннэри чиэстиир, кинилэргэ махтанар ис хоһоонноох икки күннээх улахан бы-рааһынньык буолан ааста. Үгэс быһыытынан оскуола оҕолоро учууталларын кытта бэтэрээннэргэ көмөлөһө, эҕэрдэлии диэн «Аһымал» акцияҕа таҕыстылар. Ити курдук, сэрии, тыыл бэтэ-рээннэригэр эдэр көлүөнэ ыччаттара ытыктаан болҕомто уураллара сүрдээх кэрэх-сэбиллээх буоллаҕа.

      Ону таһынан, кулуупка бырааһынньык остуолун тэрийдилэр. Онно оскуола оҕолоро эҕэрдэ нүөмэрдэри бэлэх ууннулар. Киэһээӊӊи өттүгэр уоттаах-күөстээх Кыайыы салютун көрдүбүт, ону тэӊэ, Кыайыыны уһансыбыт дьоннорго анаан «чүмэчи» уурдубут.

      Ыам ыйын 9 күнүгэр «Кыайыы парада» буолла. Онно биһиги убаастабыллаах бэтэрээннэрбит уонна оскуола, балыыhа, администрация коллектива кыттыыны ыллылар. Парадка «Бессмертный полк» акция күүскэ үлэлээтэ. Оҕолор бэйэлэрин аймахтарын, эһэлэрин-эбэлэрин умнубакка өйдүү-саныы сылдьалларыттан киһи үөрэр. Сылын аайы ыытыллар «Смотр песни и строя» күрэх буолла. Бары араас байыаннай таӊастары кэппиттэрэ наһаа үчүгэй. Оҕолор итинник тэрээһиннэртэн патриотизмӊа иитиллэллэр. Маны тэӊэ, «Байыаннай кухня» акция үлэлээтэ. Бэтэрээннэргэ уонна нэһилиэк бары олох-тоохторугар сэрии хааһытын амсаттылар.

       Быйылгы «Кыайыы күнэ» олус тэрээһиннээхтик ааста. Бу Улуу бырааһынньык чэрчитинэн ыытыллыбыт акциялар, курэхтэр, тэрээһиннэр бэтэ-рээннэрбит өйдөрүгэр умнуллубат үтүө санаа быһыытынан хааллахтара.