Статистика
Онлайн всего: 1 Гостей: 1 Пользователей: 0
|
Главная » 2018 » Март » 8 » Сатабыллаах ыччат – нэһилиэк кэскилэ
13:42 Сатабыллаах ыччат – нэһилиэк кэскилэ |
Сылтан сыл аайы үѳрэх систиэмэтигэр уларыйыы киирэ турар, ону таhынан, саҥа методикалар, ирдэбиллэр, эбии предметтэр, экзаменнар эбиллэ тураллар. Ол да буоллар, оҕону үлэҕэ сыһыарыы — урут даҕаны, билигин даҕаны иитии бастыҥ кѳрүҥэ буолар. Сартаҥ орто оскуолата ити санаанан салайтаран агротехнологическай хайысханан хаhыс да сылын үлэлиир. Оскуола сүрүн сыала — оҕону сир дьиҥнээх хаhаайына буоларыгар иитии-үѳрэтии.
Күн бүгүн оскуолаҕа 90 үѳрэнээччи, 24 педагог үлэлии-хамсыы сылдьаллар. Оҕолор сыл аайы 100 % үѳрэххэ киирэллэр. Оскуола бэйэтэ оҕуруоттаах, үѳр сылгылаах. Быйыл 22 сылгы кыстаан турар. Хас сайын аайы оҕолор үлэ лааҕырыгар үлэлээн, бириэмэлэрин туhалаахтык атаараллар. Бу үлэ түмүгүнэн, «Сельская школа» диэн инновационнай бырайыактар күрэхтэригэр грант ылары ситиспитэ. «Идэhэ» диэн оройуоннааҕы тыа хаhаайыстыбатын дьаарбаҥка-быыстапкатыгар сылын аайы кыттан бочуоттаах миэстэҕэ тиксэр. Ааспыт сылга оскуолабыт ѳрѳспүүбүлүкэтээҕи «Олоҥхо ыhыаҕар», "Ленскэй форумҥа" ситиhиилээхтик кыттыбыта. Ону тэҥэ, үрдүк үѳрүүбүт диэн үс сыллаах оскуола үлэтин түмүгүнэн, оройуон, ѳрѳспүүбүлүкэ хамыыhыйатын ааhан Ил Дархаммыт 1 мѳлүйүѳн сууммалаах Гранынан наҕараадаламмыта. Бу 1 мѳлүйүѳҥҥэ оскуолабыт таhыгар спортивнай тренажердары ылан туруордубут. Ону таhынан, инновационнай бырайыакпыт экспериментальнай площадка статуhун сүгэн А.С.Макаренко норуоттар икки ардыларынааҕы конкурсугар Саха сиригэр биир кэрэхсибиллээх-инникилээх үлэ аатын ылан, дьүүллүүр субэ, учуонайдар бэлиэтээннэр, Россиятааҕы «Народное образование» сурунаалга үлэбит сырдатыллыбыта. Υлэбит биир саамай улахан ситиhиитэ - «100 лучших школ России» диэн конкурска Лауреат үрдүк аатын ылбыта буолар. Ааспыт үѳрэх дьылыгар оройуон иhинэн тэриллибит «Сатабыл» фестивальга үѳрэнээччилэр үрдүк таhымнаахтык кыттыбыттара. Тѳрүт иис, ас астааhын, сылгыhыт, булчут күрэх-тэригэр кыттан элбэххэ үѳрэммиттэрэ, сатабылларын сайыннарбыттара.
Инникитин даҕаны биhиги бу тэтиммитин ыhыктыбакка, кэнчээри ыччат иннигэр, оскуолабыт сайдарын туhугар бэйэбит сырабытын ууруохпут. Υгүс ыччат орто, үрдүк үѳрэҕи бүтэрэн, тѳрѳѳбүт нэhилиэктэригэр кэлэн үлэлии-хамсыы сылдьалларыттан биhиги үѳрэбит уонна кинилэр үтүѳ холобурдарыгар үѳрэнэбит. Хас биирдии үѳрэнээччи оскуолатын бүтэрэн, идэ ылан тѳрѳѳбүт нэhилиэгин туhугар бэйэтин сэмэй кылаатын киллэриэ диэн эрэнэбит.
|
|
Просмотров: 367 |
Добавил: Мари
| Рейтинг: 0.0/0 |
|
Календарь
| « Март 2018 » | | Пн | Вт | Ср | Чт | Пт | Сб | Вс | | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 |
|
| | |