Статистика
Онлайн всего: 1 Гостей: 1 Пользователей: 0
|
Главная » 2018 » Март » 8 » Оскуолабыт 70 сааһын бэлиэтээтибит
14:02 Оскуолабыт 70 сааһын бэлиэтээтибит |
Бииргэ үөрэммит мэник-тэник оҕолор, буукубалары холбоон маҥнайгы тылы ааҕыы, маннайгы учуутал истиҥ сыһыана, ааҕа-суруйа үөрэнии, доҕоттор, маҥнайгы ыраас таптал - бу барыта оскуола диэн тылы кытта ситимнээх. Оскуола-кэрэҕэ, сырдыкка угуйар, билиини биэрэр дьиэ буолар. Хас биирдиибит оскуола диэн тылы иһиттэҕинэ уруккутун-хойуккутун санаан ылар. Ол саҕанааҕы кэмнэр ааспат амтаннара сурэххэ сылаас сүүрээни аҕалаллар. Онон оскуола сырдык дьиэтэ биһиэхэ элбэҕи биэрэр.
Төһө да оскуоланы бүтэрэн, олох киэҥ аартыгар аттаммыппыт да иһин улааппыт оскуолабытын, доҕотторбутун, орой-мэник бииргэ үөрэммит оҕолорбутун умнуо суохтаахпыт. Ол эрэн кылааһынан көрсүһүүлэр, уруккуну-хойуккуну ахтыылар сорох ардыгар сатаммат буолан хаалаллар. Ол иһин 10 сылга биирдэ оскуола, урукку выпустарыгар, оҕолоругар анаан үбүлүөйдээх сылын оҥороро хайҕабыллаах. Онно көрсүспэтэхтэрэ ырааппыт дьон ахтылҕаннарын таһааран, кэпсэтэн-ипсэтэн дуоһуйа сынньанан бараллар.
Быйыл оннук тэрээһин ахсынньы 8-9 күннэригэр Үөһээ Дьааҥы оройуонун Сартаҥ орто оскуолатын 70 сыллаах үбүлүөйүгэр анаан буолан ааста. Маҥнайгы күнүгэр о.э. ахсынньы 8 күнүгэр торжественнай чаас буолла. Сарсыарда 10 чаастан ыраахтан-чугастан ыҥырыллыбыт ыалдьыттарбытыгар анаан оскуола иһигэр экскурсия онорон хайҕабылы ыллыбыт. Экскурсияҕа кабинеттарынан кэрийэ сылдьан оҕолор бэйэлэрин кылаастарын туһунан кылгастык кэпсээтилэр уонна оскуолабыт маастардара кыракый выставка оҥорон бэйэлэрин үлэлэрин тустарынан билиһиннэрдилэр. Ол кэннэ араас көлүөнэлэр өйдөбүнньүк уруоктарга үөрэнэннэр үөрдүлэр-көттүлэр. Салгыы оскуолабыт биир киэн туттар сиригэр - музейга баран араас экспонаттары сөҕө-махтайа көрдүлэр. Эбиэт кэннэ культуура дьиэтигэр бырааһынньыктааҕы кэнсиэр буолла. Кэнсиэргэ араас кэмҥэ үлэлээбит директордарбытын, учууталларбытын ахтан-санаан аастылар. Оскуола оҕолоро үҥкүүлээн дайбыттара, көмүс куоластарынан ыллаан дьириһиппиттэрэ сөхтөрдө.
Маны таһынан иккис күҥҥэ "Дьөһөгөй" балаҕан үөрүүлээх арыллыыта буолан ааста. Онно үөрэнээччилэр, учууталлар, ыалдьыттар мустан, сиэр-туом толоруллан, эҕэрдэ нүөмэрдэринэн уонна алгыһынан күүтүүлээх балаҕаммытын арыйдылар. Балаҕан тутуутугар көмөлөспүт дьон тыл эттилэр, балаҕан тутулун туһунан кэпсээтилэр. "Дьөһөгөй" балаҕан үөрэнээччилэри сахалыы сиэрдээх-майгылаах, дьоһун дьон буола улаатталларыгар иитиэ диэн эрэнэбин.
|
|
Просмотров: 456 |
Добавил: Мари
| Рейтинг: 0.0/0 |
|
Календарь
| « Март 2018 » | | Пн | Вт | Ср | Чт | Пт | Сб | Вс | | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 |
|
| | |