Сэтинньи 26 күнүгэр Баатаҕай бөһүөлэгэр Тыа хаһаайыстыбатын дьаарбаҥката буолан ааста. Манна тэрилтэлэр, тэриллиилээх хаһаайыс-тыбалар, чааһынай дьоннор көхтөөх кыттыыны ыллылар. Биһиги нэһилиэкпититтэн Стручкова Н.Н., Сыһыы–Мэйиититтэн Слепцов П.Е. чааһынай хаһаайыстыбалара уонна биһиги оскуолабыт кыттыыны ылбыттара. Агрооскуола буоларбыт быһыытынан маннык тэрээһиңңэ үһүс сылбытын үрдүк көрдөрүүлээхтик кыттабыт. Быйылгы дьаарбаҥкаҕа бэйэбит бородууксуйабытын атыылаатыбыт: эт бородууксуйатыттан оңоһуллубут астары, бурдук ас арааһын, ону тэңэ, оҕолор илиинэн оңорбут оңоһуктарын  быыстапкаҕа илдьэн көрдөрдүбүт. Дьон сэңээриитин ордук «Тимир уус» куруһуок (сал. Ефимов А.Т.) үөрэнээччилэрэ оңорбут саха быһахтара ыллылар. Быйылгы дьаарбаҥканы «Россия Ийэлэрэ» Дьааңытааҕы филиала уонна оройуон-нааҕы тыа хаһаайыстыбатын салалтата үрдүк тэрээһиннээхтик саңа тутуллубут сырдык, киэң –куоң спортзалаҕа ыыттылар. Нэһилиэктэр бары ас арааһын дэлэччи тардан, ырыа-тойук кэһии-лээх кэлэннэр дьон–сэргэ санаата өрө көтөҕүллэн, астынан тарҕаста. Уопсай түмүгүнэн, маңнайгы миэстэни Табалаах нэһилиэгэ – 30 тыһыынчалаах сертификатынан, иккис миэстэни Боруулаах – 20 тыһыынчалаах сертификатынан, үһүс бочуоттаах миэстэҕэ Сартаң нэһилиэгэ тахсан 10 тыһыынчалаах сертификатынан наҕараадаланныбыт уонна үөрүү-көтөл аргыстанан дойдубутугар кэллибит. Улуус баһылыгыттан Павлов В.Г., «Россия Ийэлэрэ» түмсүүлэриттэн махтал суруктары туттубут.

Пономарёва А.С., иитэр үлэҕэ дириэктэри солбуйааччы